ታማኝ ሁን አደራ

ታማኝ ልጅ ይሉኃል መምህር አስታራቂ

የተዋሕዶ ልጅ የበጎች ጠባቂ

ተኩላ አይቶ የማይሸሽ ማተቡን አጥባቂ

ጥሪህን ተመልከት እንዳትዘናጋ

ቤተ ክርስቲያንህን ለማገልገል ትጋ

ነገር ግን ተጠንቀቅ

ከሰው አትጠብቅ የድካምህን ዋጋ

የወንጌል አዝማራ ስፋቱ ይደንቃል

ጽጌው ፍሬ ሲይዝ ለሁሉም ይበቃል

ይታይሃል ከሩቅ የተዋሕዶ አዝመራ

እሸቱ ያማረ ፍሬው የጎመራ

ይጠበቅብሃል ገና ብዙ ሥራ

ታጥቀህ ድረስለት ውጣ ተሠማራ

የኋላህን ሰብስብ የፊትህን ዝራ

ለወንጌል ተልዕኮ ታማኝ ሁን አደራ

ጉዞ ጀምረሃል በአባቶችህ መንገድ

ግራ ቀኝ እያየህ በጥንቃቄ ሄድ

በመንፈሳዊ ጎዞ በወንጌል ጎዳና

ቃል ሕይወት ይሁን ሥራህ ደማቅ ፋና

ዳሩ መሰናክል አይታጣምና

ሥራህን አከናውን በፍቅር በትህትና

በጣም ዝቅ አትበል እውቀት እንዳነሰው   

ይህ ዓለም አይወድም እንዲህ ዓይነቱን ሰው

በጣምም ከፍ አትበል ጣራ እንዳትነካ

This is America

ዱሮም የሰው ምክር ሁል ጊዜም አይሠራ

አንደኛው ወደ ቀኝ ሌላው ወደ ግራ

በኅሊናህ ፋባ  በራስህ ተመራ 

ሁሌም ለወንጌል ቃል ታማኝ ሁን አደራ